Tumanggap ng bagong laptop ang labing anim na mga bagong guro sa pampublikong paaralan ng Hermosa, Bataan nitong nakalipas na Lunes.
Ito ay para matulungan ang mga bagong guro na magampanan ng maayos ang kanilang mga tungkulin sa online learning ngayong panahon ng pandemya.
Ayon sa lokal na pamahalaan, malaki ang maitutulong mga bagong laptop sa mga bagong guro upang mapaghusay ang paggawa ng module sa pagtuturo.
Matatandaan na dati na ring tumutulong ang lokal na pamahalaan sa pagbibigay ng mga kinakailangan ng mga guro kagaya ng printer, tinta at iba pang mga pangangailangan sa sektor ng edukasyon sa bayan.//Jeff Valdez-BNFM OLONGAPO
