GILAUMAN sa kadumalahan sa Davao City Overland Transport Terminal (DCOTT) nga mulampas ang ilang income itandi sa milabay’ng tuig karong longweekend.
Sumala niDCOTT manager Aisa Usop nga dagsa ang mga tao karong taliabot nga Barangay ug Sangguniang Kabataan Elections, All Saints’ Day, ug All Souls Day gikan Oktubre 30 hangtod Nobyembre 2 tuig kasamtangan.
Dugang sa opisyal nga sa bulan pa lamang sa Setyembre, anaa sa halos P39-million ang ilang kita.
Buot ipasabot niini nga posibleng muabot sa kapin P50 million pag-abot December ang income sa DCOTT.
Muabot sumala sa P200 ang bayad matag trip sa mga dagkong bus samtang P75 alang sa mga
gagmay’ng mga bus.
Samtang, kung hisgutan ang seguridad, mas gipakusgan pa nila ang ilang security sa terminal ug nakig-alayon na sab sa mga bus operations aron nga masiguro nga makauli nga luwas ang mga pasahero sa ilang tagsa-tagsa ka mga probinsiya.
Nakig-alayon na sab ang terminal sa Task Force Davao, sa mga kapulisan, security agencies, ug abri sab tibuok semana ang Office of Transportation for Security.
Gitambagan na lamang sa opisyal sa DCOTT nga magbinantayon sa ilang mga gamit aron nga dili mabiktima sa mga kawatan
