LEGAZPI CITY – Nakaresibe nin cash assistance kasuhapon an mga micro-rice retailers sa probinsya kan Albay.
Segun sa Department of Trade and Industry (DTI) Albay, nasa 15 mga rice retailers an nagresibe nin kwarta na nagkakantidad nin P15K.
An mga rice retailers an solamente sanang makakakua nin nasabing ayuda huli ta sa sinda sana an apektado kan Executive Order No. 39 o rice price cap.
Sa irarom kainu, an presyo nin regular-milled asin well-milled rice makawat sana sa P41 hasta sa P45 kada kilo.
Dugang pa kaini, an mga rice retailers na naapektaran pwedesir makipagtabangan sa nasambit na ahensya o kaya sa Department of Agriculture (DA) tanganing maisabay sa listahan nin mga benepisyaryo.
Apwera pa kaini, pig-orden naman kan Department of Interior and Local Government (DILG) an mga Local Government Unit (LGU) sa probinsya na mag-reactivate kan saindang mga Local Price Coordinating Councils tanganing maaraman an mga qualified beneficiaries sa saindang mga komunidad.
An cash subsidy ay parte nin Sustainable Livelihood Program kan Department of Social Welfare and Development.
