KALIBO, AKLAN — Kapin sa 15 ka establisyemento komersyal sa Aklan ro gin-isyuhan it Department of Trade and Industry (DTI) it safety seal certificate.
Base sa pamunuan it DTI-Aklan, bago mataw-an it safety seal hay nagapatigayon anay sanda it on-site inspection agud masayran kung nagasunod sa minimum health protocol kontra covid-19 ro sangka establisyemento.
Ro mga naisyuhan nga establisyemento hay halin banwa it Kalibo ag isla it Boracay nga ginaeakipan it mga groceries, supermarkets, hardware stores, convenient stores, logistics service provider, barber shops, service and repair shops ag iba.
May an-um nga buean sigon ro validity it safety seal. / ANN DESLENE SALAZAR
