Pinaagi sa pagpakig-alayon sa Lapu-Lapu City Government ngadto sa Philippine Statistics Authority (PSA), nakuptan na sa 133 ka mga indibidwal ang ilang PSA-issued birth certificate.
Kung diin ang mga benepisyaryo dili lang mga bata apan aduna pay nag panuigon ug 61 anyos.
Niadtong tuig 2022, ang Lapu-Lapu City Government ug PSA nipirma ug memorandum of agreement para sa Birth Registration Assistance Project (BRAP).
Ang maong programa nagtinguha nga ma-rehistro na ang liboan ka mga Oponganon nga mga wala pay record sa PSA pinaagi sa local civil registrar.
Kung diin aron nga maka proseso ang kadtong wala pa marehistro, gipasar sa konseho niadtong tuig 2022 ang ordinansa sa paglibkas sa P280.00 nga late birth registration fee.
Samtang ang counterpart sa PSA mao usab ang libreng pagproseso sa mga birth certificate sa mga benepisyaryo.
Apan kasamtangang pang adunay 2,900 ka mga indibidwal ang gipangita sa LCR nga wala pa gihapon maka pa rehistro.
Maong nanawagan ang mayor ngadto sa matag barangay sa pagpangita kanila aron marehistro na usab sila ilabi na nga gibayaran na sa dakbayan ang ilang processing fees ug ang ilaha nalang mao ang pag proseso niini.//