LEGAZPI CITY – Matrayumpong natawan nin garden tools asin agricultural insputs starter kits kan Albay Provincial Agricultural Office (APAO) an nagkapirang mga lugar sa probinsya, kaibahan an syudad nin Tabaco, Legazpi, asin an mga banwaan kan Tiwi, Bacacay, Malinao, Sto. Domingo, Malilipot, Daraga, Oas, Guinobatan, Camalig, Polangui, asin Rapu-Rapu.
Segun sa APAO, nasa huring kabtang na sinda kan pagtatao nin starter kits siring kan seedlings, fertilizer, asin pesticides sa nasa 720 na barangay sa probinsya.
Sa ngunyan, plano naman kan opisina na matawan asin magdistribwer sa mga paraoma sa lugar kan Ligao City, Pio Duran, Libon asin Jovellar ki siring na mga kagamitan na iyo an mas nangangaipuhan kan mga ini.
Mientrastanto, an naunambitang asistensya, saro sa mga programa kan junta probinsiya na “Go Green, Go Green Albay” na may obhetong mapahalangkaw an produksyon nin mga pagkaon asin mapababa an kagutuman. | REGINA APINADO
