-Reymund Titong
KABANKALAN CITY, Negros Occidental — Natalana na nga matapos ang 13-kilometer (section A) engineering design sang Iloilo-Guimaras bridge sa maabot nga Disyembre subong nga tuig 2024, kag natalana sugdan sa second half sang 2025.
Suno kay Department of Public Works and Highways (DPWH)Western Visayas regional director Boy Oropel nga na-deploy na ang pito ka mga barge ga gamiton sa offshore drilling survey. Sa piyak nga bahin ang 19.47 kilometers nga section B ukon ang Guimaras -Negros bridge ang ginalantaw matapos sa 2030.
May kabug-usan nga budget ang proyekto nga 2.67 billion pesos nga loan gikan sa Export-Import Bank of Korea, nga sa karun ginahikot sang Yooshin Engineering Corporation kaupod ang Kyong-Ho Engineering and Architects, Dohwa Engineering Corporation, kag Dasan Consultants Corporation.
Dugang pa ni Oropel, nga antis matapos ang termino ni President Ferdinand Marcos, Jr., matapos Naman ang section A sang taytay kag iya ginalantaw nga matapos ang bug-us nga proyekto sa tuig 2030.*
