Ginbatun eon it 125 nga mga mangunguma iya sa Kalibo ro bayad it andang nasamad nga mga paeay nga gintanum ku buean it Hunyo ag Hulyo makarun nga dag-on.
Ro pagpanupod it mga indemnity checks hay halin sa Philippine Crops Insurance Corporation (PCIC) nga ginpatigayun sa Barangay Hall it Nalook, Kalibo sa pakikipagbueoligan man sa Agricultural Services Division it Kalibo.
Ro balor it ginbatun nga mga tseke hay naka depende sa porsyento it nasamad nga pananum bangud sa mga eanggam ag pagkasamad it mga dahon tuga it bacterial leaf blight.
Ro mga mangunguma nga benepisyaryo hay halin sa Barangay Nalook, Pook ag Briones sa banwa it Kalibo. / ANN DESLENE SALAZAR
