Nagdangat sa 1,140 ka mga BHWs, BNs, kag BSPOs ang nakabaton sang ila Special Risk Allowance nagikan sa Gobyerno Probinsyal sa pagpamuno ni Governor Fredenil “Oto” Castro kag Vice Governor James “Mitang” Magbanua.
Sa interview sang Brigada News FM Roxas City kay Dr. Alex Nolasco, Provincial Health Officer, ginpahayag sini nga ang mga BHW ang nakabaton sang tig-P2,000, BSPOs nakabaton sang tig-P1,200 kag ang BNs ang may yara sang tig-P1,500.
Dugang pa ni Nolasco, wala gid ginpaslaw sang Gobernador kag gintindugan gid sini ang iya ginpromisa nga dugang nga honorium para sa mga tagpangapin sang ikaayong-lawas sang mga pumuluyo.
Nangin mas masadya pa gid ang mga tumalambong sang ginpromisa sang gobernador nga iya himuan paagi nga imbes tatlo mangin apat na ka beses magabaton ang mga health workers sang honorarium sa masunod nga tuig.
Tuman naman ang pagpasalamat sang mga benepisyaryo sa ila nabaton honorarium.//END
