NEGATIBO sa paggamit og iligal nga droga ang 100 ka drivers sa public utility vehicles sa GenSan ug Koronadal City.
Dungan sa gihimong simultaneous random drug test nga gipangulohan sa Philippine Drug Enforcement Agency (Pdea) 12, Biyernes sa buntag. Matud ni Kath Abad, tigpamaba sa PDEA-12 sa 50 ka PUV drayber sa Koronadal Public terminal, 41 drayber ug siyam conductor sa Bulaong terminal sa GenSan ang nagpasa og urine sample sa pagpatuman sa ‘Oplan Harabas’.
Tumong masiguro nga walay drayber nga nagmaneho nga naa sa impluwensiya sa iligal nga droga aron dili makalambigit sa bangga. Ang inisyatibo ang nagsilbi isip pahimangno sa tanang drayber nga ang Semana Santa ang ‘peak’ time sa mga susamasakay nga buot makaabot sa destinasyon aron makauban ang minahal sa kinabuhi, asoy ni Abad.
Ang test sa pakig-alayon Land Transportation Office (LTO), Land Transportation Franchising and Regulatory Board (LTFRB), local government units ug kapulisan. I Richel Gubalani
