Bakak nga pasalig, kini ang hinungdan nga mitahan ang napulo ka miyembro sa New People’s Army nga galihok sa Northern Mindanao.
Sumala ni Alyas “Toko” nga wala sila’y nabati nga katumanan sa mga pasalig sa mga lider sa komunistang grupo.
Kini sab ang hinungdan nga miubos hangtod nahurot ang ilang morale ug nakadesisyon sila nga mubalik sa sabakan sa gobyerno.
Una niini, gikompirma ni Police Regional Office 10 Regional Director Police Brigadier General Lawrence Coop nga galihok ang nahisgutang ihap sa NPA sa pipila ka bahin sa Bukidnon, hinterland areas sa Cagayan de Oro, Misamis Oriental lakip sa Lanao del Sur.
Gitahan sab sa mga nahisgutan ang usa ka taas nga armas.
Subay niini, nagpabilin nga bukas ang PNP-10 ug ubang law enforcement agency sa pagdawat sa mga rebelde nga buot mutahan kanila.
Sa karon gi-proseso na sa otoridad ang mga madawat nga benepisyo sa 10 ka NPA nga bag-ong mitahan, ubos sa Enhanced Comprehensive Local Integration Program sa gobyerno. -END-
