Ku rayang January 02, 2024 hay pormal nga kinasuhan sa provincial prosecutor’s office para sa inquest proceedings ro 10 katawo nga nauna eon nga nakumpiskahan it ‘agar wood’ o mas kilaea sa tawag nga Lapnisan tree ku December 29, 2023.
Sa interview it BRIGADA NEWS FM KALIBO kay OIC PENR-Aklan Officer Engr Jurlie Zubiaga, nakumpiska sa mga suspek ro 1.35 kilos nga agar wood nga nagabalor it P216,000.
Maga pangatubang ro 10 suspek nga puro mga taga Brgy Panipiason, Madalag, Aklan sa pag eabag sa PD 705 o Forestry Code of the Philippines as amended in relation to Republic Act 9147 o Wildlife Resources Conservation and Protection Act.
Suno kay Engr Zubiaga, ro Philippines Lapnisan Agarwood Tree, hay ro Most Expensive Wood o ginatawag nga The “Wood of God” hay napabahin sa threatened species.
May estimated value nga P165,000 per kilo ro agar wood product.
Ro agar wood hay sambilog sa mga ginagamit nga material sa paghimo it expensive perfume ngani in-demand raya sa merkado.
Matandaan nga na-intercept ro mga suspek sa Sitio Angeles Brgy. Kinalangay Viejo, Malinao, Aklan pero ginklaro nga ginbuoe ku mga raya ro agar wood sa Brgy Osman, Malinao. // ANN DESLENE SALAZAR
