HUMAN gidakop, gipahimangnuan ang 10 ka mga trail riders human maharang ug gisita sa mga San Isidro Police Station Dominggo sa buntag sa may Dacera Avenue, Brgy. City Heights.
Segun kang PCapt Abdusalam Mamalinta, hepe sa Police Station 4, magpahigayon unta daw og outreach activity, kauban na ang trail riding activity, ang grupo sa 10 ka riders sa may Barangay Conel dihang giharang ang mga nahisgutan sa grupo sa kapulisan sa maong lugar.
Gidala ang mga nasita sa estasyon sa pulis ug didto gipangsultian sa mga otoridad kalabot sa gipatuman nga guidelines sa EO 30 kung asa padayun nga gipatuman ang Sunday No Movement Day sa GenSan sa tibuok bulan sa Hulyo isip usa sa mitigating measures sa LGU-GenSan kontra COVID-19.
Bugtong mga essential workers lamang ang gitugutang makagawas sa balay matag Dominggo sa tibuok bulan sa Hulyo ning tuiga.
Gibuhian usab ang mga nasita huiman mipasalig nga mutuman sa gipatumang balaod.
Photo GSCPOPressCorps
