Arestado ang 10 ka persona matapos naaktuhan nga nagapatigayon sang iligal nga pagbulang sa Sitio Malitbog Ilaya, Barangay Wright, Tapaz, Capiz.
Ginkilala ang mga nagkaladakpan nga sanday Marjon Legada Castor, 42-anyos, Edson Lobino Castor, 54-anyos, Lirio Roscales Castro, 66-anyos, Edgardo Roscales Castro, 60-anyos, Rodolfo Roscales Castro, 47-anyos nga lunsay mga residente sang nasambit nga lugar; Armando Diaz Zapida, 68-anyos, residente sang Barangay Agdahon Passi City, Rodney Casa, 47-anyos residente sang Calinog Iloilo, Marvin Geco, 22-anyos residente sang Barangay Katipunan Tapaz Capiz, Antonio Abitang , 55-anyos, residente Barangay Calahunan Mandurriao Iloilo, Jonell Castor, 41-anyos, residente sang Brgy. Masaroy Calinog Iloilo.
Narekober sa ginluntaran sang iligal nga pagbulang ang P1,000 nga bet money, 15 ka buhi nga manok nga pangbulang, 6 ka patay nga manok, 1 ka box nga may unod sang nagkalain-lain nga cockfighting paraphernalia kag notebook.
Natalana ang mga ini nga pasakaan sang panumbungon sa paglapas sa PD 1602 ukon imposes penalty to any person taking part in all forms of illegal gambling.
Sa karon, nagapabilin sa kustodiya sang Tapaz Municipal Police Station ang mga suspetsado para sa nagakaigo nga disposisyon. | Judy Ann Juare
