Padayon nga nagpa-alim sa Southern Philippines Medical Center (SPMC) ang usa ka 10-anyos nga batang lalaki kinsa nabanggan sa usa ka SUV nga gimaneho sa usa ka Municipal Councilor sa Maguing Lanao Del Sur sa Sitio Upper Kibalang, Brgy Marilog, Marilog District, Davao City.
Ang nakabangga giila nga si Hadji Jamel Juhair Macabantas, 33-anyos.
Subay sa imbestigasyon, mi-overtake matud pa ang gimanehong sakyanan sa nakabangga sa gisundan niining sakyanan samtang anaa sa tuong bahin ang bata nga nagbaktas tungod nga napagan kini og nalagpot ang biktima og swerte nga luwas kini.
Nakahiagom og samad ug bun-og ang biktima sa nagkadaiyang bahin saiyang kalawasan.
Hinuon, nagkasinabot matud pa ang inahan ug si Macabantas nga tubagon niini ang tanang bayronon sa biktima. BNFM-Davao
