Patay ang usa ka tuig nga bata samtang pito ang samaron nga nawad-an sa preno ang depasayroang jeep nga ilang gisakyan sa Sitio Cabula Barangay Lumbia syudad sa Cagayan de Oro.
Sumala kang Cagayan de Oro City Police Office Traffic Enforcement Unit Investigator Police Chief Master Sergeant Norberto Libres nga nadala pa sa balay tambalanan ang bata, apan nakabsan sa kinabuhe.
Padayon nga nagpa-alim karon sa hospital ang pito pa ka biktima sa nahitabo nga disgrasya.
Una nang migawas sa imbestigasyon nga gikan nagpasakay og usa pa ka pasahero ang jeep, dihang paglarga niini subli kalit lang kining nawad-an og brake hinungdan mi-desisyon ang driver nga ibangga kilid sa dalan.
Kini aron malikayan nga mahulog sa pang-pang o makabangga sa nakaparada nga tricab.
Detinado karon sa Police Station 8 Lumbia ang driver, ug gihisgutan pa ang pakig-areglo tali sa mga biktima, labi na sa pamilya sa bata nga nakabsan sa kinabuhe.
