Naka paeagyo sa lugar nga natabu-an it krimen ru 1 sa 2 gina turong suspek sa pag-eabo sa Sitio Balisong, Brgy. Pampango, Libacao , Aklan.
Sa imbistigasyon, nakilaea ru mga suspek nga sanday Renegie Sison, 31 anyos ag Josie Ritas, sa legal nga edad , tanan mga residente it nasambit nga lugar.
Samtang, ru biktima hay nakilaeang si Jayson Zonio, 27 anyos.
Sakay sa gina manehong motorsiklo ru biktima angkas ru anang manghod nga si Jilvy Zonio.
Gin parahan ru mga biktima it mga suspek samtang naga sakay sa motorsiklo ag ikara gin eabo ru driver ag sa mayad nga swerte, naka liksi ru angkas kara.
Naka angkon it tama’t pag-eabo sa naga kasari-saring parte it kaeawasan.
Paga pasakaan it kasong frustrated murder si Renegie Sison samtang si Josie Ritas hay padayon pang gina usoy it mga kapulisan.
Dating alitan sa eogta ru motibo it pag-eabo sa biktima nga padayon pang gin abueong sa hospital.
Padayon pa makaron ru maid-id nga imbistigasyon it Libacao Municipal Police Station angot sa insidente.//MARIVIC Y. ILIN
