1 patay sa engkwentro tali sa NPA ug militar atol sa ika-53 nga anibersayo sa komunistang grupo

Patay ang usa ka miyembro sa New People’s Army sa engkwentro tali sa militar didto sa Surigao del Sur bisperas mismo sa kasaulugan sa pasko.

Gibutyag ni 4^th Infantry Division Philippine Army Spokesperson Major Francisco Garello Jr., nga posibling kabahin ang maong engkwentro sa ika-53 nga anibersaryo sa Communist Party of the Philippines.

Una nang nakadawat ang militar og impormasyon nga dunay presensya sa NPA sa maong lugar nga ga-plano sa pagpa-balda sa pagpaningkamot sa pagpatuman sa mga programa sa gobyerno sa mga komunidad nga kanhi nasakop sa rebeldeng grupo.

Hinuon sa nahitabo nga engkwentro, walay natala nga kaswalidad sa bahin sa kasundaloam.

Tungod niini, walay plano ang militar sa pagpa-undang sa paglusad sa focused military operation bisan ning holiday season.

Nagpasabot lamang kini nga magpabiling taas ang alerto sa militar batok sa New People’s Army.

BNFM Cagayan de Oro