GISUTA na sa sakop sa Maitum Municipal Police Station sa probinsiya sa Sarangani ang ilahanan sa mga tawo nga namusil sa duha ka lalaki sa Sitio Bantog,Barangay Mindupok.
Sa maong pagpamusil patay ang usa sa gipusil samtang samaron ang usa human nga nakadagan. Giila ang gipusil nga silang Allaludin Labas ug Bulgani Ampalani, pulos nagpuyo sa maong lugar.
Sa imbestigasyon, nasayran nga samtang naglakaw ang duha ka sa hi-way kalit nga gipusil ang mga nasangpit. Nakuha sa gihitaboan sa krimen ang bala sa .45 kalibre sa pusil samtang mikagiw sa wala masuta nga direksyon sakay sa motorsiklo ang mga namusil.
Gisayod usab sa kapulisan ang motib sa pagpamusil ug background sa mga gipamusil. I Richel Gubalani
