Naga padayon sa makaron ru imbistigasyon it Malay MPS sa natabong shooting incident sa Talipapa Bukid Sitio Manggayad Brgy. Manoc-manoc Boracay, Malay, Aklan kahapon it aga-aga.
Sa report, dead on arrival sa Don Circiaco S. Tirol Hospital ru biktimang si Benjie Quiatchon, 24-anyos, sangka commissioner ag tumandok it Valladolid, Negros Occidental apang temporaryng naga estar sa Zone 1, Sitio Cagban sa nasambit nga isla.
Samtang, naninahan man ru sangka security guard nga si Ronald Catalino, 44-anyos ag residente it Sitio Ambolong s nasambit man nga isla.
Nag-umpisa sigun ru pagpamaril sa pihak nga bar nga kunsiin may natabo nga commotion sa tunga it biktima ag suspek.
Gumuwa sa bar ru biktima ag sinundan it suspek, ikara binayo sa tiyan ag dayon binaril it kaibahan ku suspek.
Naka angkon it tama’t pagbaril sa parte it kaeawasan ru biktima rason nga nahimo pang dumaeagan paeayo sa lugar.
Apang sinundan pa gihapon it suspek ru biktima hasta nga naabutan sa unahan ag ikara uman nga gin binaril sa naga kasari-saring parte it kaeawasan dahilan it pagkamatay.
Sa makaron, padayon pa ru hot pursuit operation it Malay MPS sa gina sugid nga 2 person of interest.//MARIVIC Y. ILIN
