Kusang sumuko sa pamahalaan ang apatnapung miyembro at supporter ng kilusa sa Sta. Teresita, Cagayan.
Sa nakuhang impormasyon g 92.9 Brigada News FM Cauayan sa 5th Infantry Division, Philippine Army, kaalinsabay ng boluntaryong pagsuko ng mga ito ay ang pagsunog sa bandila ng CPP-NPA-NDF at pagkondena sa maling gawain.
Bukod dito, narekober din ang mga improvised explosive device, subersibong dokumento at isinuko rin ng mga ito ang bitbit na armas at mga bala ng baril.
Bilang tanda naman ng tuluyang pagtalikod ng mga ito sa NPA ay nagkaroon ng panunumpa at pagpirma sa wall of commitment.
Samantala, nakatanggap naman ang mga dating rebelled ng limang kilong bigas at relief packs mula sa Provincial Social Welfare and Development Office.
Namahagi naman ang Local na Pamahalaan ng Sta. Teresita ng hygiene kit, mattress at kumot.
