Natuklasang palutang-lutang sa Malidong River na sakop ng Pidigan, Abra ang naagnas na katawan ng isang lalaki.
Sa nakuhang impormasyon ng 92.9 Brigada News FM Cauayan, kinilala ang nasawi na si Gregorio Pugal, 53-anyos at residente ng Sao-atan, Bangued, Abra.
Una rito ay nakatanggap umano ng impormasyon ang Pidigan Police Station hinggil sa natagpuang bangkay na nasa stage of decomposition.
Dahil sa post sa social media ay nalaman ng kapulisan ang pagkakakilanlan ng nasabing bangkay na natagpuang walang damit at mayroong tattoo sa kaniyang dibdib.
Lumalabas sa isinagawang imbestigasyon ng pulisya na nalunod umano ang biktima sa ilog na nagsanhi ng kaniyang kamatayan.
