Nakatanggap ang nasa 32 na small business owners sa Lungsod ng Cauayan ng tig-20,000 pesos na halaga ng livelihood package mula sa Department of Labor and Employment (DOLE) Region 2 sa koordinasyon ng LGU-PESO office kahapon, January 4, sa F.L. Dy Coliseum.
Kabilang sa mga nabigyan ng livelihood packages at ang mga may-ari ng vulcanizing shops, sari-sari store owner, street foods vendors, canteen-resto owners at may-ari ng mga bigasan.
Layunin ng programa na tulungan ang mga business owners na ma-suportahan ang kanilang maliliit na negosyo.
Nangako naman ang mga napiling mga benepisyaryo na palalaguin nila ang tulong pangkabuhayan na ipinagkaloob sa kanila ng pamahalaan.
