Paiigtingin ng Bureau of Fire Protection Region 2 ang kanilang pagbabantay upang masawata ang mga gagamit at magbebenta ng ipinagbabawal na paputok ngayong holiday season.
Ito ang inihayag ni BFP Region 2 Fire Officer III Judith Parallag kung saan nakaalerto na ang mga fire stations sa pagpapatupad ng Oplan Paalala Iwas Paputok.
Aniya, magpapatuloy ang kanilang Fire Safety Inspections upang matiyak ang kaligtasan ng publiko at tiniyak ang fire truck visibilities maging ang pagbabantay sa matataong lugar.
Bukod dito, patuloy na pinaalalahanan ng BFP ang mga magulang na huwag nang gumamit ng ipinagbabawal na paputok lalo na ang mga bata sa bisperas ng pasko at bagong taon.
Sa isasagawang inspeksyon ng BFP sa mga nagbebenta ng paputok ay titignan ang kalidad ng kanilang produkto, pagkakaroon ng Fire Safety Inspection Certificate at permit mula sa lokal na pamahalaan.
