Nagpaalala ang DPWH-Cordillera Administrative Region sa mga motorista na kailangan ng ibayong pag-iingat sa pagbiyahe dahil sa patuloy na pag-ulan at lakas ng hangin bunso ng bagyong Egay.
Ayon sa kagawaran, ilang kalsada sa Cordillera Region ay hindi na pwedeng daan habang ang ilan naman ay isang lane lamang ang passable.
Kabilang sa mga kalsadang isinara ay ang Abra-Kalinga Road, Abra-Ilocos Sur Road, Abra-Ilocos Norte Road, Baguio-Bontoc Road, Kennon Road, at Claveria-Calanasan-Kabugao Road.
Isinara ang mga nabanggit na kalsada dahil sa mga pagguho ng lupa at pagkaputol ng mga kahoy na nakaharang sa daan.
Samantala, asahan umano ang mabigat na daloy ng trapiko dahil isang lane lamang ang passable sa Gov. Bado Dangwa National Road. Banaue-Hungduan-Benguet Boundary Road, at Claveria-Calanasan-Kabugao Road.
