Yulo, nagapanawagan sa gobyerno nasyunal sang bulig para sa mga mangunguma nga apektado sang lapanagon nga fall army worms

Daina E. Gerona

Nagapanawagan sang bulig sa Gobyerno Nasyonal ang Congressman sang kinto Distrito nga si Atty. Dino Yulo para sa mga mangunguma nga apektado sa paglapnag sang army worms sa malapad nga mga kahumayan kag katubuhan.

Base sa datus nga halos tanan nga syudad kag banwa sang kinto Distrito ang gina-atake na sang peste, kag ang Iban halos dahon sang tubo na lamang ang nabilin. Ginaduso sa karon ni Yulo nga pagatun-an sang maayo ang kemikal nga pagagamiton agud nga malikawan ang mutation nga posible nagresulta sa pagkalala sang halit sini.

Nahibaluan nga base sa mga eksperto nocturnal ang mga army worms nga naga-atake sa katubuhan kag kahumayan, ukon gab-e ang Ila nga pag-atake rason nga mas ginrekomendar nga gamiton ang chemicals sa tion sang kagab-ehon.

Madumduman nga sang tinalikdan nga semana, nagkadto sa probinsiya ang mga eksperto halin sa UP Los Baños sa pagdiskobre sang pesticides nga pagagamiton tapna sang mga fall army worms.

Leave a Reply

Your email address will not be published. Required fields are marked *