Tinuldukan na ng Atlanta Hawks ang kampanya ng New York Knicks para sa mailap na NBA Championship.
Sa pamamagitan ng 103-89 win, ipinoste ng Hawks ang 4-1 sa serye para maagang magbakasyon ang New York.
Muling pinangunahan ni Trae Young ang Atlanta matapos kumamada ng 36 points at 9 assists.
Samantala tinapos na rin ng Philadelphia 76er ang serye nila ng Washington Wizards, 129-112.
Nagtala ng 58 combined points sina Tobias Harris at Seth Curry para kunin ang panalo laban sa Wizards.
Dahil dito all-set na ang second round match-up sa Eastern Conference kung saan maghaharap ang 76ers vs Hawks habang sa kabila naman ay Brooklyn Nets kontra Milwaukee Bucks.