Nasa “high alert” eon makara ro Western Visayas (WV) kasunod it pagka-discover it mga unang kaso it avian influenza (AI) type A o bird flu sa rehiyon, partikular sa Barangay Cagay, Roxas City, Capiz.
Suno kay Engr. Jose Albert A. Barrogo, OIC-Regional Executive Director it Department of Agriculture (DA) Region 6, gin patawag it DA-6 ro Regional Task Force on Animal Diseases and Other Emergencies makarang Disyembre 3 kaibahan ro tanan nga provincial veterinarians sa rehiyon, makato man ro pamahalaang lungsod it Roxas ag pamahalaang panlalawigan it Capiz agud isturyahan ro mga agarang hakbang agud masolusyonan ro problema.
Kasunod it mga unang nakit-ang kaso, pilang lugar sa rehiyon ro nasa idaeom it ‘close monitoring’ it DA-6 parehas it sa Ajuy, Sara, Concepcion, ag mga bayan it Dumangas sa Iloilo; Sibalom, Antique; Sipalay City, Negros Occidental; Barangay Bugnay, Jordan, Guimaras; ag pilang lugar sa Aklan ag Capiz.//LABYRINTH R. BAYONA
Photo credit: Department of Agriculture
