Arestado kahapon it Altavas PNP sa may Brgy. Tigayon, Kalibo ro sangka wanted person sa kasong homicide.
Ginkilaea ro wanted nga si Rosel Fojas, 28yo, construction worker ag taga Brgy. Lupo, Altavas ag ginserbi kana ro warrant of arrest para sa nasambit nga kaso nga may piyansang P120,000 para sa anang temporaryong kahilwayan.
Kung matandaan, si Fojas ro suspek sa pagbuno-patay sa biktima nga si Leo Vicente Belarmino ku Abril 2023. // ANN DESLENE SALAZAR
