Wala nakitaan sa IATF nga ipailalum ang Davao City sa ECQ. Mao kini ang gibutyag ni mayor Inday Sara Duterte Carpio atol sa Special hour with the mayor kagahapong adlawa.
Butyag sa mayor, sa karon nikunhod ang kaso sa virus sa dakbayan samtang padayong nisaka ang kaso sa NCR ug Cebu.
Gilaoman nga human ang Cebu ug NCR, mosaka na usab ang kaso sa Davao.
Sa bahin sa vaccination, walay first come first save basis aron unang mabakunahan.
Libre lang ang bakuna ug walay angay bayaran.
Giawhag sa mayor ang publiko nga dili angay mag panic samtang wala usab siya nag panic.
Extended hangtud Disyembre 31, 2021 ang giaptumang liquor ban ug curfew sa dakbayan sa Davao.
Kini ang gikumpirma ni Davao City mayor Sara Duterte-Carpio atol sa interview kaniya sa disaster radio kagahapon.
Butyag sa Mayor nga walay gibag-o sa pamaagi sa implementasyon sama sa 24 hours a day sa tanang public places ang liquor ban ug 9:00 pm to 4: am ang curfew apan walay labot dinhi ang mag dunay trabaho sa gabie.
