Pinangunahan ni outgoing Vice President Leni Robredo ang panunumpa ng ilang opisyal sa Naga kabilang ang muling nahalal na si Mayor Nelson Legacion.
Ginanap ang naturang inagurasyon sa Plaza Quezon kung saan nag-umpisa ang kaniyang kampanya bilang isa sa mga tumatakbong pangulo noong nakaraang halalan.
Sa kanyang talumpati, sinabi ni Robredo na nabahala siya sa resulta ng eleksyon ngayong taon sa lugar dahil sa talamak na vote-buying.
Samantala, nakatakda niyang ilunsad ang Angat Buhay NGO sa darating na Hulyo kung saan matatapos ang kanyang termino sa katapusan nitong buwan. (ARGIE ERGINA)
