Sa mismong araw ng kapaskuhan ay nakapagtala ang bulkang Mayon ng isang volcanic earthquake ayon sa ulat ng Philippine Institute of Volcanology and Seismology (PHIVOLCS).
Sa datos, sa parehong araw, Disyembre 25, iniulat ng PHIVOLCS na hindi nakakitaan ng banaag o crater glow ang bulkan dahil natatakpan ito ng ulat.
Dahil natatakpan ng ulap, gayundin naman, hindi rin ito nakitaan ng pagsingaw, ngunit nagkaroon naman ito ng bahagyang pamamaga, ayon sa ahensya.
Patuloy naman ang pagpapaalala sa publiko na huwag lumapit o magpalipad ng anumang sasakyang panghimpapawid nang sa gayon ay maiwasan ang anumang hindi inaasahang insidente.
