Gina expekta nga paga dagsaon it publiko ru victory concert ni Kalibo Mayor Elect Juris Sucro sa Jetty Port Brgy. Pook, Kalibo hin-aga June 24 alas 2:00pm.
Raya hay sa koneksyon it pag selebrar man it kapiestahan ni San Juan de Bautista it banwang Kalibo.
Mahigpit nga police visibility ru iga patuman it Aklan Provincial Police Office (APPO) ag mga personnel halin man sa Kalibo Municipal Police Office (MPS) sa nasambit nga kahiwatan.
Pauman-uman nga gina padumdom it mga kapulisan nga ibutang sa limitasyon ru pag-inom it maka hi-ielong nga ilimnon ag bantyan ru mga inunga nga naga warang sa mga kadagatan agud malikawan ru pagka eomos.
Apisar nga gin paidaeom ru Aklan sa Alert Level 1, padayon gihapon nga gina monitor it PNP ru pagpatuman it physical distancing ag pag suksok it face mask.//MARIVIC Y. ILIN
