Sa pagbukas it school year 2022-2023, nakataeana nga magabalik ro mga manugturo ag mga estudyante pati man ro iban pa nga mga personnel it mga academic institution sa probinsiya it Aklan.
Kasunod kara, ginapahanumduman it Department of Education ro publiko nga pagasundon gihapon ro mga ginapatuman nga mga protocols agud malikawan ro mga sakit kapin pa ro banta it COVID-19.
Base pa kay Aklan Schools Division Superintendent Dr. Feliciano Buenafe, Jr. ro gobyerno hay nagahimo it mga tikang agud malikawan ro pagkaeat it nasambitan nga virus.
Sa presente, masobra 90% eun it mga eskwelahan sa probinsiya ro ginpasugtan nga mag-intra sa blended learning modality o face-to-face classes.
Sa mga estudyante, bukon it required ro pagpabakuna pero sa mga manugturo ag mga non-teaching personnel magiging ‘mandatory’ raya kapin pa sa mga maintra sa face-to-face classes./JIL B. LACSON
