NAPASAKAAN na og kaso sa Makar PNP ang usa sa ilang dinakpan sa Buy Bust Operation September 13, 2023
Subay sa progress report sa Makar Police Station,gikasuhan na si Inocensio Sustraido alias Rey 52-anyos minyo, electrician ug taga Purok 4 Lanton, Apopong, kaso nga may kalabotan sa Section 5 sa RA 9165 kun Comprehensive Dangerous Drugs act of 2002.
Nasang-at ang impormasyon sa Prosecutors Office unya permado ni Prosecutor Kayugen Mato Kuda Jr. September 15, 2023.
Kahibaluan nga gidakop ang nahisgotan sa Diversion Road Purok Maunlad, Barangay Apopong, GenSan. I Ver Diazon
