Namahayag si NBI Director Ermie Monsanto nga pasakaan nila og kaso ang pastor nga nalambigit sa gialegar nga AGF Trading investment scam, kinsa nagpakita sa iyang kaugalingon sa NBI Dumaguete City kagahapon,Agosto 26,2021.
Nagkanayon si Director Monsanto nga mopasaka sila og kaso batok ni Pastor Agustin Fontillas Jr., sa higayon nga makompleto na ang mga dokumento nga gikinahanglan sama sa securities and exchange commission certification, central bank certification, ug uban pang sertipikasyon gikan sa mga hingtungdan nga mga ahensya sa gobyerno aron mas molig-on ang kaso nga isang-at batok sa pastor.
Gikonsidera sa NBI nga mopasaka og kaso nga paglapas sa securities regulation code ug estafa batok ni Fontillas,base unya sa dagan sa ilang imbistigasyon
Si Fontillas natultulan sa Bacolod City pinaagi sa mga agents didtong lugara ug sa telecommunication companies nga nitabang sa buhatan sa NBI Dumaguete.///Ariel Morro Amistoso
