Naga pangaywa ru Western Visayas sa overall medal tally sa naga padayon nga Palarong Pambansa 2023 sa Marikina City.
Base sa datos it DepEd 6 as of 12:00 makarong hapon, August 3, 2023, ru Western Visayas hay may kabuligan nga 48 nga mga medalya partikular ru 21 gold medals, 16 silver medals ag11 bronze medals ru Western Visayas.
Naga panguna ru Region IV-A (CALABARZON) nga may una nga 60 nga kungsiin 20 kara ru gold, 22 silver ag 18 bronze medals.
Sa makaron, target it Western Visayas nga makabuoe it overall champion sa ngayong Palarong Pambansa.
Mabahoie ru contribution it sangka Aklanon swimmer nga si Jennuel Booh B. De Leon matapos maka buoe it silver medal sa 100M backstroke.
Kaibahan man ni De Leon sa silver medal sa 4×50 Medley sanday Lance Nathan Tayco Magno sa Breast stroke, Earl Jude Buncio sa butterfly, ag Troy Castor sa freestyle.
Kun matandaan, nagbukas ru Palarong Pambansa ku Hulyo 29 ag maga tapos sa Agosto 5 makarong dag-on.//MARIVIC Y. ILIN
