Gin-amin it 20 anyos nga si Alexander Canonigo it Brgy. San Nicolas, Buenavista nga imaw ro nagpatay sa anang nobya nga 17 anyos nga dalagita nga tue-an eun kat makit-an ku Oktubre 16 sa nasambitan nga barangay.
Base sa panaysayon it suspect, uwa na hasadya nga mapatay ro nobya.
Base pa kana, Marso 10, 2021 kat nagkita sanda it biktima nga ginkilaea nga si alyas Maria, gusto segun nga makipagbueag ni Maria sa ana pero pagtalikod it dalagita, ginkup-an nana ro biktima it mahugot.
Uwa segun hipan-uhi ni Canonigo nga nakuga eun gale nana ro biktima rason it anang pagkamatay. Bangud sa kueba, ginsueod nana si Maira sa sako ag gin-eubong.
Nagpangayo it pasaylo sa pamilya it biktima si Canonigo, pero pagaksuhan gihapon it pamilya it dalagita ro suspect./JIL B. LACSON
