Alas 2:47 kahapon it hapon kat ideklara it Bureau of Fire Protection nga natapna eon ro sunog sa Barangay 7 Roxas City ag naga padayun ro clearing operation.
Daywa man ro nailistang namatay sa sunog nga puro mga senior citizen, samtang naabo ro maabung panimaeay.
Base sa facebook post ni Mayor Ronnie Dadivas, haeos tanan nga mga biktima it sunog hay owa it naisalbar nga gamit bangud sa madasig nga pagkalhit it kaeayo.
Insigida man nga rumesponde ro Roxas City Government ag nagtao it immediate assistance sa mga biktima it sunog.
Nagtukod man it Command Post sa Barangay 7 kaeakip ro CDRRMO, CSWDO, City Health Office, City Engineers Office, Electrical Division ag iba pang taeatapan agud magtao it bulig sa mga naga kinhangean. // ANN DESLENE SALAZAR
