Ginkumpirma it Philippine Statistics Authority (PSA) Region 6 nga nagdoble pa ro underemployment rate sa Region 6 ku 2021 kumpara sa 2020 rate.
Base kay National Economic Development Authority (NEDA) regional director Meylene Rosales, nagtaas it 105% ro underemployment o numero it mga trabahante nga nagakinahangean nga trabaho o mas mataas nga suweldo sa Region 6.
Agud masabat ro nasambitan nga problema, ro DTI-6 kaibahan it Department of Labor and Employment (DOLE) Region 6 ag Technical Education and Skills Development Authority (TESDA) hay naglunsar it job fair nga may tema nga “Matatag na Manggagawa, Matatag na Bansa” ku Mayo 1, 2022
Masobra 10,000 ka mga trabaho, mapa-lokal ag internasyunal ro naging available sa nasambitan nga jobs fair.
Base pa kay DOLE regional director Atty. Sixto Rodriguez Jr., paagi aktibidad ngara, tuyo nanda nga mabuligan ro mga residente it region 6 nga nadueaan it trabaho bangud sa COVID- 19 pandemic./JIL B. LACSON
