GIDAGSA sa mga katawhan ang unang rally sa partidong AIM sa Purok Saeg, Brgy.Calumpang Sabado sa gabi isa pagpanguna ni Brigada Elmer V.Catulpos ug nagpapili nga mga konsehal.
Sa pagpamulong ni Brigada Elmer, subli niining gipasalamatan ang mga katawhan nga walay puas nga gasuporta kanila ug gapanghinaot nga modaog ang katawhan tungod ang kadaugan sa pamilyang AIM kadaugan sa mga katawhan.
Aminado si Brigada Elmer, daghan ang problema sa syudad ug kinahanglan ang bag-ong vision ug bag-ong solusyon.
Nakadawat og mainitong suporta sa mga katawhan nga misaksi sa maong rally ug bisan sa mga nagkomento sa social media ang partidong AIM ug kahandom nga magmadaugon si Brigada Elmer aron matuman ang kabag-uhan alang sa katawhan sa GenSan.
Gusto nila nga may kausaban sa GenSan ug ila usab nga ginahandom nga matuman ang GenSan dream asa may mga dugang trabaho, panginabuhian, libreng pagpa-eskwela nga kapobrehon ang basehan ug dugang opurtunidad sa tanan alang sa kalambuan.
