NAGMALAMPUSON ang pagbakuna sa mga magtutudlo sa dakbayan sa Ozamiz, kaniadtong Hunyo 12, ning tuiga, nga nahitabo sa may Ozamiz City National High School Mini Gym.
Kini ang unang dose sa Covid-19 Vaccination, alang sa mga magtutudlo sa mga tulunghaan sa syudad og ubay-ubay usab ang nabakunahan batok sa virus.
Gikalipay kini, sa mga maestra human sila nabakunahe, tungod kay aduna na sila’y proteksyon batok sa makamamatay nga sakit nga mikuyanap sa tibuok nasud, diin aduna na sila’y kompyansa sa kaugalingon sa pagpamuhat sa ilang tagsa-tagsa ka mga buluhaton isip nagserbisyo sa mga kabataan.
Matud pa, nga bisan pa sa bakuna nga nadawat padayon sila nga magatuman sa health protocol nga gipatuman, isip paglikay sa pagdaghan sa virus sa dakbayan. Diin magpaabot sila sa ikaduhang bakuna para masiguro sa hingpit ang ilang seguridad. (Joel Omapas)
