Napakahalaga umano ng unang isang libong araw ng mga bata o sanggol, ayon sa City Nutrition Action.
Sa panayam ng Brigada kay RND Nutritionist Mary Pearl Rodriguez, sa panahong ito nade-develop ang pisikal at mental na siyang pinaka- kritikal para sa isang sanggol.
Mahalagang aniya na maging responsable ang isang ina sa pag-aalaga sa sarili habang nagbubuntis.
Ipinapayo rin nito na magpa- prenatal sa mga barangay health center na minimum ng apat na beses sa loob ng siyam na pagdadalang tao.
Libre o walang babayaran ang serbisyo na ito maliban pa sa mga bitamina.
Samantala, mahalaga rin aniya ang Immunization o pagbabakuna sa mga bata at ang regular na pagkonsulta sa mga Barangay Nutrition Scholar ng ina para mabantayan ang wastong timbang ng mga bata.
