Magahiwat it License to Own and Possess Firearms (LTOPF) caravan ro Iloilo City Police Office (ICPO) sa Agosto 4 hasta 5 sa SM City Iloilo cinema.
Bukas ro caravan sa tanan nga mga gun owners sa bieog nga Western Visayas.
Base kay Maj. Shella Mae Sangrines, spokesperson it ICPO nga one-stop-shop nga magiging madasig ag mas madali ro pagproseso dikara bangud indi eun kinahangean it mga gun owners nga mag-adto pa sa maeain-eaian nga mga opisina para mabuoe ro national police clearance, neuro, ag drug test.
Kinahangean eamang magdaea it government issued ID, picture, ag proof of billing.
Ro programa hay insiyatiba it ICPO kaibahn ro Regional Civil Security Unit 6 ag mga miyembro it advisory council it ICPO./JIL B. LACSON
