ANAA na sa 73.58 percent ang turn out sa enrollment sa private ug public school as of September 8 sa GenSan.
Kini ang gibutyag ni DepEd GenSan schools division superintendent Romelito Flores nga hangtud pa sa Lunes, Setyembre 13 ang enrollment.
Tambag ni Flores sa mga ginikanan nga wala pa nakapa-enroll nga sundan lang link sa enrollment.
Gawas niini may nakabutang nga enrollment booth sa palengke ug mall, samtang ang ubang tulunghaan adunay drive through enrollment.
Bisan asa nga tulunghaan, maka-enroll sa drive through enrollment booth pinaagi sa pag fill up sa mga impormasyon ug sila na ang magpadala sa tulunghaan.
Giangkon ni Flores nga madugangan pa ang126,982 enrollees sa pagkakaron, gikan sa pribado ug pampublikong tulunghaan.
Sa public school anaa 115,582 o 75 .37 percent ang enrollment itandi sa miaging tuig ug sa private school anaa sa 11,400 o 62.89 percent itandi sa miaging school year.
