TANGGONG na sa selda sa Polomolok Municipal Police Station ang usa ka 30-anyos nga lalaki human nasikop sa gihimong operasyon.
Giila Police Lt. Col. John Rick Medel, hepe sa presinto sa lugar ang dinakpan nga si Alyas Joseph, gihangyo nga itago ang pangalan, residente sa Dadiangas East, General Santos City.
Matud ni Medel, gikonsidera nila ang nasangpit nga high value target kalabut sa gidiling droga.
Human naimbargo sa dinakpan ang 80 ka gramo o walo ka putos sa gituohang shabu nga nagkantidad og kinatibuk-ang P544, 000.
Dugang sa opisyal gikan sa gensan ang operasyon sa dinakpan hangtud na sa maong munisipalidad.
Nasikop kini atubangan sa usa ka sementeryo sa cannery site sa nasangpit nga munisipalidad.
Gipasakaan na usab og kasong dunay kalabutan sa iligal nga droga ang dinakpan ganinang buntag sa piskalya sa Polomolok. I Richel Gubalani
