Nagtao it pahayag si Camanci Sur Punong Barangay Tique Villanueva kaangot sa ginareklamong tulay nga naga konekta sa Camanci Sur at Albasan sa banwa it Numancia, AKlan.
Ginareklamo ro nasambit nga tulay nga may pondong P19,290,000 bangud owa gihapon raya natapos ag delikado sa mga nagaagi nga motorista bangud sa mga naga guwa nga kabilya.
Sa pahayag sa BRIGADA NEWS FM KALIBO ni Brgy. Kapitan Villanueva, ginhambaean segun imaw it DPWH nga kueang ro nasambit nga budget bangud ro anda eang segun nga huyap hay sambilog nga poste pero ro natabo hay daywa ka poste andang ginbutang agud matibay bangud mahumok ro eugta sa nasambit nga lugar.
Suno kay Kapitan, mga limang milyong piso pa segun ro kueang para matapos eon ro nasambit nga proyektong tulay ngani posibleng sa masunod nga dag on hay mapadayun eon raya. // ANN DESLENE SALAZAR
