KALIBO,AKLAN—Nakita eon ru tricycle nga gina inusoy it tag-ana sa may revetment wall sa Brgy. Mobo, Kalibo, Aklan bag-o eamang.
Mabahoe ru pagpaseamat it tag-ana nga si Vicenta Tafalla III, 36 anyos ag tubong Brgy. Dongon East, Numancia, Aklan apang presenting naga estar sa Brgy. Andagao, Kalibo, Aklan sa pagka kita it anang tricycle nga haeos may pilang adlaw eon nga gina inusoy.
Gin abandona ru tricycle it uwa makilaeang suspek maeapit sa suba ag may nakit-an pa nga inihaw nga mais sa idaeom it bangko sa prente it tricycle nga gina patihan nga gin butang it suspek samtang, padayon pa nga gina imbistigahan it mga kapulisan. //MARIVIC Y. ILIN
