Natagpuang nakabitin sa beranda at wala ng buhay ang 38-anyos na tricycle driver sa Brgy San Francisco, Bulan, Sorsogon.
Sa ulat na nakalap ng Brigada News mula sa Bulan MPS, natagpuan ang mga labi ni Ariel Caparino Angustia, residente ng Brgy Fabrica ng nasabing bayan, sa bahay ng kanyang kaibigan kung saan nanuluyan muna ito para magtago.
Sa salaysay ng kaibigan na si Robin Gojar, dumating umano ang biktima sa kanyang bahay, umaga noong Hulyo 22 at nagpaalam sa kanya na mananatili at magtatago muna ito sa kanyang lugar dahil sinampahan siya ng asunto ng kanyang kinakasama.
Pinatuloy niya umano ito subalit pagbalik niya kinabukasan ng tanghali, mula sa kanyang sakahan ay nakita niyang wala na itong buhay sa kanyang beranda.
Ayon sa Bulan MPS, ang biktima ay sinamphan ng kaso sa WCPD ng kanyang kalive-in partner ng pananakit o physical injuries.
