Nagsunggaban ro sangka tricycle ag motorsiklo sa may Brgy. Pook, Kalibo bangud sa tumabok nga ayam.
Sa report, ginkilaea ro driver it tricycle nga si Gerry Mahisay 61yo nga taga Sitio Lagatik Brgy. Poblacion New Washington, Aklan.
Nasayuran nga pauli eon si Mahisay sa New Washington pero pag abot sa may Brgy. Pook hay may gulping tumabok nga ayam ag sa anang paglikaw hay nabungguan kara ro kasubeang nga motorsiklo nga may daywang sakay.
Sa andang pagsunggaban hay inapok pa ro motorsiklo ag sumalpok man sa naka-park nga pick-up.
Naninahan man ro daywang sakay it motorsiklo nga insigida man nga dinaea sa ospital samtang ro tricyle ag si Mahisay hay gindaea sa Kalibo MPS para sa nagakaigu nga disposisyon.
Umapela man si Mahisay sa natungdan nga kunta hay taw-an it atensyon ro mga ayam nga gawinarang agud indi magtuga it aksidente sa daean. / ANN DESLENE SALAZAR
